Օգտագործման և Առաքման Կանոններ (shipping մոդելով)
Ուժի մեջ մտնելու ամսաթիվ․ 22․09․2025
________________________________________
1․ Ընդհանուր դրույթներ
1.1․ Սույն կանոնները սահմանում են Bbay կատալոգի միջոցով ապրանքների պատվիրելու և առաքման կարգը, ինչպես նաև կողմերի իրավունքներն ու պարտականությունները։
1.2․ Կայքում ներկայացված ապրանքները մատակարարվում են shipping մոդելով, այսինքն՝ ապրանքները առաքվում են անմիջապես մեր արտաքին մատակարարներից (այսուհետ՝ «Մատակարար») գնորդին։
1.3․ Պատվեր կատարելով՝ օգտատերը (այսուհետ՝ «Գնորդ») հաստատում է, որ ծանոթացել և համաձայն է սույն կանոններին։
Կարևոր տեղեկություններ Bbay կատալոգի վերաբերյալ
• Բոլոր ապրանքները ուղարկվում են անմիջապես եվրոպական պահեստից։
• Ապրանքներն ունեն եվրոպական որակի սերտիֆիկատներ։
• Փաթեթավորումը հարմարեցված է էլեկտրոնային առևտրի պահանջներին։
________________________________________
2․ Պատվերի ձևակերպում և վճարում
2.1․ Գնորդը պատվերը կատարում է Կայքի էլեկտրոնային համակարգի միջոցով՝ ընտրելով համապատասխան ապրանք և վճարային եղանակ։
2.2․ Գնորդը պարտավորվում է տրամադրել պատվերի ճշգրիտ և ամբողջական տվյալներ։
2.3․ Կայքը պատասխանատվություն չի կրում Գնորդի կողմից սխալ կամ ոչ լիարժեք տվյալների մուտքագրման հետևանքով առաջացած հետևանքների համար։
Պատվերի մշակման ընթացքը
• Վճարման հաստատումից հետո պատվերների մշակումը կատարվում է 24–48 ժամում։
• Express Stock բաժնի պահանջված ապրանքները առաքման են հանձնվում նույն օրը։
• Մնացած ապրանքների պատրաստումը կատարվում է 24–48 ժամվա ընթացքում, միայն աշխատանքային օրերին (երկուշաբթի–ուրբաթ)։
________________________________________
3․ Ապահովագրություն
3.1․ Ապահովագրության ծածկույթ
• Փաթեթի կորստի դեպքում՝ փոխհատուցում ամբողջական արժեքի չափով։
• Փոխադրման ընթացքում ապրանքի վնասման դեպքում՝ փոխհատուցում ըստ փոխադրող մատակարարի ներքին կանոնների։
• Առաքման ընթացքում գողության դեպքում՝ փոխհատուցում սահմանված կարգով։
3.2․ Հայաստանի համար հատուկ պայմաններ
• Մաքսային վճարներն ու ներմուծման հարկերը չեն ընդգրկվում ապահովագրությամբ։
• Ստացողը պարտավոր է ինքնուրույն վճարել բոլոր ներմուծման հարկերն ու մաքսային տուրքերն։
• Մաքսային մարմինների կողմից կատարվող բռնագրավումները ապահովագրությամբ չեն փոխհատուցվում։
• Մաքսային ընթացակարգերից բխող ուշացումների համար փոխհատուցում չի տրամադրվում։
3.3․ Խնդիրների դեպքում ներկայացման կարգ
• Վնասման կամ կորստի մասին անմիջապես տեղեկացնել Bbay-ին։
• Լուսանկարային փաստաթղթավորում պարտադիր է։
• Դիմումը պետք է ներկայացնել առաքման ստացումից հետո ոչ ուշ քան 36 ժամվա ընթացքում։
________________________________________
4․ Առաքման պայմաններ
4.1․ Պատվերի առաքումն իրականացվում է Մատակարարի միջոցով, առանց Կայքի սեփական պահեստավորման, և կատարվում է մինչև գնորդի հասցե։
4.2․ Առաքման միջին ժամկետները կազմում են 4–9 աշխատանքային օր, սակայն դրանք կարող են փոփոխվել մատակարարի կամ փոխադրող կազմակերպությունների ծանրաբեռնվածությունից, մաքսային ընթացակարգերից կամ այլ անհաղթահարելի հանգամանքներից։
4.3․ Կայքը պատասխանատվություն չի կրում առաքման ուշացման, միջազգային փոխադրման ընթացքում առաջացած վնասների կամ կորուստների համար, եթե դրանք տեղի են ունեցել Կայքի վերահսկողությունից դուրս հանգամանքների հետևանքով։
Առաքման գին, ժամկետներ և եղանակ
4.4․ Առաքման գնի հաշվարկ
• Առաքման արժեքը հաշվարկվում է 1 կգ – 6000 դրամ սակագնով կամ միջազգային ծավալային քաշի բանաձևով՝
Երկարություն × Լայնություն × Բարձրություն / 5000 (սմ/կգ)։
• Հաշվի է առնվում փաստացի և ծավալային քաշերից առավելագույնը։
4.5․ Առաքման արժեքի ձևավորում
• Ընդհանուր վճարման գինը = Ապրանքի արժեք + Առաքման արժեք։
• Ճշգրիտ արժեքը երևում է մինչև պատվերի վերջնական հաստատումը և կախված է ապրանքի քաշից, չափերից և առաքման հասցեից։
4.6․ Առաքման տևողություն
• Միջին հաշվով՝ 4–9 աշխատանքային օր։
• Ժամկետները ներկայացված են տեղեկատվական նպատակով և կարող են երկարաձգվել մեր վերահսկողությունից անկախ հանգամանքների հետևանքով։
• Bbay-ը չի կրում պատասխանատվություն ուշացումների համար, որոնք պայմանավորված են նման հանգամանքներով։
• Բեռնափոխադրման ժամկետները կողմնորոշիչ բնույթ ունեն և կարող են տարբերվել սեզոնային ծանրաբեռնվածության, ինչպես նաև անխուսափելի ուժի ազդեցության դեպքում։
• Ժամկետի խախտման դեպքում փոխհատուցում տրամադրվում է միայն Bbay-ի հայեցողությամբ։ Ուշացման վերաբերյալ հաճախորդը ծանուցվում է էլեկտրոնային փոստով։
4.7․ Առաքման եղանակ
• «Էքսպրես» առաքում։
4.8․ Փաթեթի հետևում
• Առաքումից հետո տրամադրվում է հետևման կոդ։
• Կարգավիճակի ծանուցումները ուղարկվում են գնորդի նշած էլ. փոստին։
• Հնարավոր է իրական ժամանակում հետևել առաքման ընթացքին։
4.9․ Փաթեթավորում
• Բոլոր պատվերները փաթեթավորվում են մասնագիտական ձևով՝ ապահովելով անվտանգություն։
• Կիրառվում է էկոլոգիապես մաքուր փաթեթավորում (պլաստիկի օգտագործման 95% կրճատմամբ)։
• Յուրաքանչյուր փաթեթում ներառված է ուղեկցող փաստաթուղթ՝ մեր խանութի տվյալներով։
4.10․ Առաքման տարածք
• Առաքում իրականացվում է Հայաստանի ամբողջ տարածքում։
• Հեռավոր համայնքներում առաքման ժամկետները կարող են մի փոքր երկարաձգվել։
4.11․ Ծանրոցի ժամանում
• ՀՀ ժամանումից հետո հաճախորդը իր էլեկտրոնային հասցեին ստանում է ծանուցում, որտեղ նշվում է ստացման ընթացակարգն ու ժամկետը։
• Եթե ծանրոցը մաքսատանն առարկությունների չի հանդիպում, այն դուրս է բերվում և հանձնում հասցեատերերին՝
o Երևանում՝ հաջորդ աշխատանքային օրը,
o Մարզերում՝ 1–3 աշխատանքային օրվա ընթացքում։
________________________________________
5․ Մաքսային և հարկային դրույթներ
5.1․ Ապրանքի գինը ներառում է միայն ապրանքի արժեքը և միջազգային առաքման հիմնական ծախսերը։
5.2․ ՀՀ օրենսդրությամբ սահմանված մաքսային վճարներն ու ներմուծման հարկերը, եթե կիրառելի են, վճարվում են Գնորդի կողմից։
5.3․ Կայքը պատասխանատվություն չի կրում մաքսային մարմինների գործողությունների կամ որոշումների հետևանքով առաջացած հավելյալ վճարների կամ ուշացումների համար։
5.4․ Մաքսային պատասխանատվության կարգ
• Հաճախորդը պարտավոր է կրել/հատուցել ՀՀ մաքսային պահեստում առաքանու պահպանման ծախսերը, ինչպես նաև հատուցել իր անգործության կամ փաթեթը ժամանակին չվերցնելու արդյունքում ընկերության կատարած ծախսերն ու կրած վնասները։
• Հաճախորդը համաձայն է, որ իր անձնագրային տվյալները պահպանվեն և մշակվեն ընկերության կողմից միայն մաքսային ձևակերպումների համար։
• Մատակարարը պատասխանատվություն չի կրում մաքսային հայտարարագրերի կամ մաքսային զննման ժամանակ մաքսային մարմնի կողմից կայացրած որոշումների համար։
• Հաճախորդը պարտավոր է ինքնուրույն պարզել մաքսազերծման հավանականությունը և հետևել օրենսդրությամբ սահմանված պահանջներին։
• Հաճախորդը ընդունում է, որ պատվերի արժեքը չհայտարարագրելու դեպքում ընկերությունը կամ մաքսային մարմինները իրավասու են մաքսային օրենսդրության պահպանման նպատակով ինքնուրույն նշել ապրանքի արժեք, որի հետևանքների համար ամբողջական պատասխանատվությունը կրում է հենց Հաճախորդը։
• Հաճախորդը համաձայն է, որ մատակարարի աշխատակիցը կարող է ներկայանալ ՀՀ մաքսատուն՝ մաքսային զննման ընթացքում որպես Հաճախորդի լիազորված անձ, եթե մաքսային մարմինը թույլ է տալիս և չի պահանջում Հաճախորդի անձնական ներկայություն։
• Եթե ծանրոցը գտնվում է ՀՀ մաքսատանը և պահանջվում է ստացողի պարտադիր ներկայություն, ընկերությունը տվյալ փաթեթի համար պատասխանատվություն չի կրում։
• Իրավաբանական անձանց բեռների մաքսազերծումը կատարվում է Հաճախորդի կողմից։ Մաքսային պահեստում պահեստավորման վճարները, որոնք առաջանում են պատվերի մուտքից 48 ժամ անց, վճարվում են Հաճախորդի կողմից։
5.5․ Փաստաթղթեր, որոնք կցվում են բոլոր ապրանքներին
• Ապրանքի մանրամասներ (անվանում, քանակ, գին)
• Վաճառողի մասին տեղեկություն
• Փաթեթավորման ցուցակ (packing list)
• Հետևման համար (tracking number)
• Համապատասխանության սերտիֆիկատներ (CE նշում՝ Եվրոպայի համար)
• Մաքսային փաստաթղթեր (ԵՄ-ից դուրս առաքման դեպքում)
Բոլոր փաստաթղթերը ձևավորվում են պրոֆեսիոնալ ձևաչափով․ մաքսային հայտարարագիրը կազմվում է ավտոմատ, ապահովելով տեղական օրենսդրական պահանջների պահպանումը։
________________________________________
6․ Պատասխանատվության սահմանափակում
Ապրանքի վնասի կամ կորստի դեպքում պատասխանատվության և փոխհատուցման կարգ
• Bbay կատալոգի միջոցով ուղարկվող բոլոր առաքանիները ավտոմատ կերպով ապահովագրված են։
• Ապրանքի կորստի կամ փոխադրման ընթացքում վնասման դեպքում տրամադրվում է ապրանքի փաստացի (ինվոյսային) արժեքի ամբողջական փոխհատուցում։
• Հաճախորդից հավելյալ վճար չի պահանջվում։
Ծանրոցը ստանալու պահին
ԿՐԻՏԻԿԱԿԱՆ ՊԱՀԱՆՋ – Եթե ծանրոցը ստանալիս այն արտաքինից վնասված է, պարտադիր է կուրիերի ուղեկցող փաստաթղթում նշել «PACKAGE VISIBLY DAMAGED» նշումը։ Այս նշման բացակայության դեպքում փոխհատուցման դիմումը ավտոմատ կերպով կմերժվի։
Դիմումների քննության ժամկետներ
• Փոխհատուցման դիմումները սովորաբար քննվում են 7–14 օրացուցային օրվա ընթացքում։
• Հաճախորդը ստանում է ծանուցումներ դիմումի կարգավիճակի վերաբերյալ։
Դիմումի ներկայացման կարգ
1. Բացեք տիքեթ կայքի «Կոնտակտային գոտի
2. Նշեք պատվերի համարը և խնդրի մանրամասները։
3. Կցեք վնասվածքի լուսանկարները (եթե առկա են)։
Պատասխանատվության բաշխում փոխադրման ընթացքում
• Մինչև ծանրոցի փոխանցումը կուրիերային ծառայությանը՝ ապրանքի որակի և ամբողջականության համար լիարժեք պատասխանատվությունը կրում է Վաճառողը։
• Ծանրոցի փոխանցումից հետո՝ ճանապարհի ընթացքում ապրանքի կորստի կամ վնասման համար պատասխանատվությունը կրում է քուրիերային ծառայությունը, սակայն
o Վաճառողը ապահովագրում է բոլոր առաքանիները իր փոխադրող գործընկերների միջոցով,
o Ապրանքի կորստի կամ փոխադրման ընթացքում վնասման դեպքում տրամադրվում է ապրանքի ամբողջական փոխհատուցում,
o Վաճառողը իրականացնում է անվճար հետաքննություն և ինքն է լուծում բոլոր հարցերը փոխադրողի հետ։
Վաճառողի երաշխիքներ
• Վաճառողը մնում է Հաճախորդի միակ պաշտոնական շփման կողմը՝ առաքման հետ կապված ցանկացած խնդրի լուծման համար, նույնիսկ այն պահից հետո, երբ ծանրոցը փոխանցվել է կուրիերային ծառայությանը։
• Հաճախորդի համար ապահովվում է ապահով և ամբողջական փոխհատուցում ապրանքի արժեքի չափով կորստի կամ վնասման ցանկացած դեպքի ժամանակ։
________________________________________
7․ Գնորդի պարտավորությունները
7.1․ Գնորդը պարտավորվում է ժամանակին վճարել հնարավոր մաքսային և ներմուծման հարկերը և ապահովել ապրանքի ստացումը։
7.2․ Գնորդը պարտավորվում է ստանալ ապրանքը Մատակարարի կամ փոխադրողի կողմից տրամադրված ժամկետներում և հասցեում։
7.3․ Գնորդը պարտավոր է պատվերը ստանալիս ստուգել ապրանքի ամբողջականությունը և արտաքին վիճակը։ Պատվերը ստանալուց հետո առաջացած կամ բացահայտված այնպիսի թերությունների համար, որոնք Գնորդի կողմից չեն նշվել ստացման պահին և չեն արձանագրվել համապատասխան փաստաթղթերում, Ընկերությունը պատասխանատվություն չի կրում։
________________________________________
8․ Կանոնների փոփոխություն
8.1․ Կայքը իրավասու է փոփոխել սույն կանոնները ցանկացած ժամանակ՝ հրապարակելով նորացված տարբերակը Կայքում։
8.2․ Փոփոխությունները ուժի մեջ են մտնում հրապարակման պահից և կիրառվում են բոլոր հետագա պատվերների նկատմամբ։
________________________________________
9․ Կիրառելի օրենսդրություն և վեճերի լուծում
9.1․ Սույն կանոնների մեկնաբանությունը և կիրառումը կարգավորվում են Հայաստանի Հանրապետության օրենսդրությամբ։
9.2․ Բոլոր վեճերը, որոնք կարող են ծագել սույն կանոնների կատարման հետ կապված, լուծվում են բանակցությունների միջոցով, իսկ անհնարինության դեպքում՝ ՀՀ իրավասու դատարանում։